لغز شعري انشدك عن عذرا لها خمسة عيال اعيالها خمسة وابوهم ولاهم

-->

لغز شعري انشدك عن عذرا لها خمسة عيال اعيالها خمسة وابوهم ولاهم

-->
-->


انشدك عن رجل سكنت داخله بنت “=” البنت عذرا والنشاما يبونه



الرجل شاف الذل من سكنت البنت “=” والبنت شافت عز عقب المهونه
انشدك عن عذرى تبكى بليا دموع * وعمرها يفنى بكثرة بكاها
هى مالها ركبة ومالها كوع * والناس تشريها وتظهر بكاها






انشدك عن تسعه وثلاثين شيطان
تقابلــوا في راس ريع الندامـــــــــه
لاهم بني ادم ولاهم من الجـــــــان
رجال عرف وشيخهم به غشامـــه
سخرهم الله له وله بينهم شـــــان
شيخ على عرشه وصاحب زعامه






سألت عن طير وله اسم رجال وبلا جناح يطير رايح وغادي
واذا يغني م الفرح جر موال حتى ولو هو في القفص ذاك عادي


وعن طير دوم يطير في لونه أشكال ماينقبض أو ينشبك أو يصاد


وعن طير عاينته مربط بالحبال محبوب دوم وينحمل بالايادي
وعن طير لي مضروب للناس بامثال في ايه مذكورة للعباد


وعن طير زاهي لون في الناس يختال وصف المهاد وناعمين المهاد
وعن طير مابه ريش موصوف لازال مثبت جناحه لحاضر وبادي
وعن طير اسود لي مع الوقت رحال بينه وبين البين لون السواد


وعن الجبال الطايره وشبه الجبال فــ بحر وسما تنفع عباد وبلاد
وعن الحمامه ان دهى خوف واوجال طارت وهي مع خوفها في جلاد
 




أنشدك عن رجل على راس رجال

والكل منهم مشترك في خويه
أسمه لطيف وعايش أجيال وأجيال

في كل ديره شايفين سميه
ناعم خفيف ولا لبس بشت وعقال

ويخضعله الحاكم بنفس رضيه




انشد اللي يفهمـون المعانـي

الي لهم في حل الالغاز عادات
عن خوات لهم مقام وشانـي

ولهم في كل العروبه سيادات
أن غاب واحد مايسد المكاني

وأن زدتهم مايقبلون الزيادات




أبنشدك عن ضيف لزوم احتــــــــــــرامه
لو هو شــرف تراه ما أحــد(ن) يدانيه

يرسل مراسيل(ن) تبــــــني خــــــيامه

وكم واحد(ن) يــون وأن سمع طاريه
حتى النساء مشى عليه(ن) نظامــــــه
يبين لو داعـــــــــــــــــج عيونه يخفيه







انــشدك عن شجرة بوادي
 …

لاســـال واديــها غصونة يبيــسي


تمشي مع الحــضـــر والبواديـ
 …




انشدك عن شي اذا جاك روعـك يذكرك بالموت لو كنـت ناسـي
شي تراه بين الاجاويـد يرفعـك ولو يحمله بعض العرب ما يقاسي




افتني ياويش عذراء لها خمس ركون

مع كثير الخلق ولها كثير المنفــــعه

ما قناها الا ربوع فصاح ويسمـعون

في بطن رجال والبطن لازم ترفعه







انشدك عن شي صغير يولٌع
و راعي الولع وياه زايد عماسه
نها الدكاتر عنه بس المولع
ان ما لقاه بيوم ياشيب راســـه





أنشدك عن رجال في جوف رجال

مكانه الأخـــــــــير بين أخوة له

سبع وثلاثين بناته بلا جــــــدال

واســــمه حدا البنات يا فاطن له







انشدك عن شي من خمسه حروف ؟؟ الكرم والطيب وعلوم الرجال

تحتويه وكل واحد له وصوف ؟؟ كامل اوصافه ولله الكمال




أنشدك وشو ملك يأكل ولا يشرب

يموت واقف الامنه دنا يومه
ماهو فصيح اللسان اذا وقف يخطب

ربعه تحبه وهو مفتون في قومه
يفدوة برواحهم ولوكان ما يطلب
الجيش دايم على شانه بحومه
أرضه تملي محل ما عمرها تخصب
ماتنبت من الشجر لو هي شجر دومه
 




أنشدك عن عود وخمسه يخدموه @@ قسم عليهم كل واحد وله تاج


أمره ملبى كل ماراد جابوه @@ حتى الكلام يوصله كان محتاج



لانشدته علمك باللي تبيه @@ جاب لك كل العلوم وحطها

اشهد انه هـ الولد شاطر نبيه @@ علمك لوكان ما جا خطها





أخضرٍ بالسّوق عطشانٍ تبيــــــهْ……..إنْ سقيتَهْ ايصير أحمر أكحَلِ

إسأل المغرووورة حتماً تحتــويهْ……..إشتري يابوك فَرح المُـــغزَلِ

الحين دورك إنْ فهمت اللّي نبيهْ……..جاوب المسأله حقّ السائـــلِ





أنشدك عن طرقي لقا كنز غالي && لاهو بأرض الله ولافي سماها


باعه رخيص من القوى ما يبالي && والعين جاها من بلاها عناها





تزجرني زجر العيسمِنّـكْ فَـلا تُـوبْ
كالشِّعلَه اهِيمْ عْلَيكلُو صَـارْ الغـرُوبْ
وَشْ عِندكُم تفسيـرللشعلـه موهـوب



أنشدك عن ثلاث أخوان والأم ولاده

الأم شابت وكثر الشيب ماعابها

زادوا على شيب الأم جمال وقتاده

والأسد رابعهم وأرض الثلاثه حماها





دُوَيْلَةٌ خضراءُسُكّانُها عبيـدْ
أجواءُها حمراءُمفتاحُها حديدْ
مَلاكُ.. ياقُرّاءُتسألكُمْ المُفيـدْ





ابي انشدك عن بنت غناوية——————– تصبحها الغناه وفقرها في الليل يمسيها

تراودها الناس من عصر الهلالية—————- احدن يجيب الفيد واحدن يضيعه فيها






النّاسُ تفديْ بِكَــمّ……..وأنتِ كلّ فديتي

اللّغزُ يرنوا لِدَعْمٍ……..بمبلَغٍ إنْ هدَيْتِيْ





رجل(ن) مذكر وفي كل النفوس@@وخالقه ربي وله كثير عوز

سبعة حروفه وبعطيك الدروس@@وخلك مركز وفي حله تفوز

اول ثلاث حروف محكر للفلوس@@واخر ثلاثه سن تاصل له عجوز

اصبر معي من قبل ما تقعد تحوس@@حرف باقي بينهن صار محجوز

من بغى يلقاه اخذ ثاني عروس@@وينلقى في الفايتات من الرموز





أنشدك عن بنت تقود برجال @@ واليا مشت لزوم يمشي وراها


يقص جرتها على الدرب لو طال@@ متجودٍ فيها ويتبع هواها





ابا انشدك عن شي تحبه وتغليه ———————– ومن زود حبه ودك انه بعيدي

تفرح اليا كانت بعيده هقاويه ————————- واليا قرب وسعات صدرك تضيقي





ودي أنشد واتحرا للجواب @@ عن فتاة فعلها وقت اللزوم
الشجيعه في الملاقا ماتهاب@@ تندفع للموت قدام القروم





بنشدك عن رجل(ن)يتعب لغيره


لا يزعله هرج(ن)ولا يزعله لمس


ما هو غريب(ن)ونازل كل ديره


وجـهه بظل وباقي الجسم بالشمس
 




ويش بنتين ولا تـقدر عليهن *** كود تعرف يالفهيم عيالهني

والعيال لكلهن ماهي حديهن *** ويخدمنك ياعرفت عيالهني





ياويش رجلٍ تنتظر جيتٍ له

وبجيته تنهى الأمور المهمات
ماهو بالأصلي يجي تابعٍ له

غالي وينسب لأمورٍ ثمينات
 





ياويش رجلً له دور ومهمه ***** يحفظ خويه بين روحه وجيه


عند العرب معروف ماواحد يذمه*** يقضي بحق الناس من دون علم ودريه


يخدم كثيراً ناس ويشيل همه ***** وفي الفصول الاربعه اكيد تلقى سميه





ويش عذرى منزله بين البناتي *** لابعدت وحده عن الأخرى لقيته

خـلقـة الـمـعبود رب الـكـائناتي *** بـيـن ثـنـتـيـن وثـنـتـيـن رأيـتـــه




القتلُ شرٌ وفعلُ الشرّ مذمــومُ……..لكنّ قتليَ ممدوحٌ ومعـــــــلومُ

القتلُ فاعلُهُ ناراً مؤجّجــــــــةً……..وقاتليْ يأملُ الجنّاتَ تكريــــــم

حفيدةٌ للسّلفْ دوماً تحثّكمــــوا……..أن تقتلوني وإلاّ فالتآثيـــــــــم

فمَنْ أكونُ جُزِيتُمْ بالثّوابِ غداً……..جزاكمُ اللهُ عن قتلي التراحيم





أسـألك عن ثلاث أخـوان مـتتالـين *** مــتشابهين وفرقهم بالبناتي

بـناتـهـم وحــده وثـلاثـه وثـنـتـيـن *** سته عددهن بالعدد كاملاتي

وبناتهم معهم على الزين والشين *** وبناتهم معهم بطول الحياتي





ياويش رجلٍ ماسكٍ له مهمه *** رجـلٍ كـريم و لياطلِِبْ مــايعيي

ليا بغيت فلان وصف لك أمه *** يعطيك توصيفه ولا ظن يخطي






خواتـي سبعـة قـاصـرات مـن دون أجـرٍ خـادمـات
بالصبح نخدم ونخدم بالضحىوبالمسى نخدم وحتى بالمبات
وردَ قطرٍ تعرف أسرار البنات بالمدارس نلتقي وبالجامعـات
أخبـرونـي مَــنْ أنـــا يـــابـــاشــــوات
 




انشدك عن طمع الصبايا
وكل قلب وطاريه
اللي سميه هو زات المطايا
حتى الجماد اللي ينوله يزهيه






تبر نحـر أرنبـكواللْجيـن وَنْحَيـلْ
ولـك عــود( ن)كغصن الموز وَانْحَل
ظبي البر لشوفـك شــرد وِانـحـل
علامك تخفِيْ عْلومَك عليّـــه

أبسأل بيت الاول فـَسْرَ لِيّــــه

خمِسْ تالاف تاخذلك هـــــديّه

رصيد(ن)بالبدو ميّه علا ميّه





أنشدك عن بنت تمد الـراس *** وعيالها هــزوا الراسي

إكتب وسجل على القرطاس *** ولا تخلي الفكر يحتاسي




أبا انشد العراف عن بنت ٌ يتيمه ***** يصبح المجموع من فعله شتاتي
طول عمره ما تبشّر بالغنيمـــــه ***** والبلاء أنّه ما تموت بهالحياتي
مــا يحبه شخص أفكاره سليمـه ***** والزبائن من قليلين الحـــــــلاتي



_________________
إذا لم تستطع أن تحب من آذاك فلا تكرهه ..

لأن بالكره تتولد الأنانية و الأنانية تولد الحسد و الحسد يولد البغضاء ، 

و البغضاء تولد الاختلاف و الاختلاف يولد الفرقة ، و الفرقة تولد الضعف ، 
و الضعف يولد الذل و الذل يولد زوال النعمة و زوال النعمة يولد هلاك الأمة











 



أنشـدك عن بنت من عـرفها ظمها *** واللي جـهلـهـا من الـبـشر مـاهـمـته
تجيك بالأخبار لاسيـرت على أمها *** لـها أربـع عـيـال مافيـهم اللي سمته
لانـتـا بـأبـوها لا ولانـتـا بـعــمـهـا *** ماخوذة من شايب نص البشر بذمـته



أنشدك عن عذراء على رأسها تاج 

تاج البها والعز تاج الوقاره


لاهو من الفضه ولاهو من العاج

ولاهو عليها من خصوص الاماره



أنشدك عن ضيف(ن) يضيف المعازيب يذبَحُـولَـه ولا يــذوق الوليـمَـه 
يشرب ولا ياكل ويسمـع ولا يجيـب وش تقول البدو عـن هـا كحيلـه؟ 
خبّروني وخذوا جايزه للحل ترغيـب خمـسـة آلاف نقد(ن)سلسبـيـلـه 



كلاً عطاه الله عينين في رأس !! وانا عطاني ست وأشوف بثنين

بأيدي أناحطيتهن في عبق كاس!!شربتهن والحين مدري أنا وين 



أبنشدك عن راس(ن) اللّي تجمع النّاس

عربان كـلّ العـرب حاضـر وبـدوِ 
خيـرٍ كثيـرٍ فيـهْ عِـزٍّ ونـبـراسْ

والحينْ جرحَه نازِف(ن) بَـسْ يعَـدِّيْ 




بيت بنيته بليا اركان() طاح وتهدم على رأسي

ماينفع الحين كنت وكان()كني تدربيت نكاسي
جيت انشد البدو والعربان()مشهور ولا اعلن افلاسي
واللي لقا طب للوجعان() وجعان زيه ومنحاسي



أنا بانشدك عــن اللي يلبس به الملبوس *** بعد مادش في وسط المياه وخرج منها

لانـقـص الـقـيـمـه ولا زوده بـفـلـــــــوس *** لـــكن مــن أشياء تدنسه يحمي ويمنها




يابدو ياحضر ماشفتو عــــــجوز000من صلات العصر للمغرب تصيح

من املاغا الخلق لايمكن تجوز000 ياكثر ماسـمعت فيـها مـن مديح




انشدك عن عودن الى طب بالسوق *** ياكثر ناسن ودهم يشترونه


والياشروه الـــناس ماعـاد له ذوق *** عقب الغلا بيدينهم يقبـرونه


هو اذا ( طب السوق )انقال كل واحد وده (يشتريه) يحله واذا أنحل فقد قيمته


انشدك عن بنتن خفيفه لطيفه000معها غلامن راقدن في ظهرها

والورع الآخر حطها له وليفه000لـو مـا يـنادمها تكدر بــحــرها



أنشدك عن شي مغطأ ومكشوف @@ عليه من ستر الخيال وحجابه


كله عيون ومن رداء الحظ ميشوف @@ ولاأحداً يشوفه كود لاطق بابه 



ابنشدك عن عذراء تجود وتفعل الطيب :::: تعشي ظيوفها من مالله عطاها


اظيوفها دايم ما يجوها ألأ مغاصيب ::::عذراء كريمه وعلى عباد الله جزاها




انشــدك عــن رجـــلا كــتــب بالمكاتــيـب ==== رجلا بخيص وكل هرجه حكــاهـــا


ولو هــو كبير(ن) فــلا يطلع بـه الشيــب ==== وسكة دروبه عن الخطاء ماوقاها 

ويخطي ويجرى له على الوضع تصويب ==== فاهــم فهيم وكل الدول اعتلاهــــا




انشــدك عــن ضيف في دار المعازيب @@الضيف يكرهم وهم يكرهونه

اذا قلط يقلط على غير ترحيب @@ ضيف عن الزلات ما يامنونه 
يحتاج له في بعض الاحيان تأديب @@وان جاء يغادرهم ترا يمنعونه 



ما تملكها لونك تشتريها من حلالك

ياذلـولاً مالهـا عشـرة وحميـه 
يوم والثاني وثالث تـدور بدالـك

في جميع بيوت خلـق الله رميـه 






أنشدك عن رجلن لأهله شعار

دايم بالملمات تلقونه
بالطيبه ما عليه غبار ولو انكم ما تودونه
ماله سكن عندنا بالدار
يوم اهلها ما يحبونه



ياللـي تريدون لـغز اقشـر ماهو صـاحـي000عـنـدي ولـكن بـغيـت اللـي يـحـلونه

من شاف عشباً خضر مع نور الاصباحي000يطرب خضاره ولا يمكن يـحصدونه
في فيضتن من حصل له شوفها ارتاحي000يا للعجب كيف عشـب ولا يـحــشـونه





ياثـمـانٍِ عـلى خـمـس .. لامـسـات أدقـاق الــــــعـود

أن لمستـه حلو ال لمـس .. لاهو صوف ولاهـو ماهـود




ويش الصغير اللي وقف لمة

توطا على راسة ويحيـــــيها
وقف معاها ولا همـــــــــــة
ولا طاحت امة يذكيـــــــها



وش قريةً في واديً من صفاته …. تحت الجدي والسبّع المرقباتي

فيها الكرز والخوخ زيناً نباته …. ومن الذهب يوجد بها عيناتي




انشدك عن عذرا لها عدة اعيال

وعيالها في بطنها ماارضعتهم
تحافظ عليهم من التشتت ولاهمال 
ولا ضاعت العذراترى ضيعتهم





ويش بنتـ (ن) دايم تتعب جسدها

لا مشت تلقى ولدها في قفاها
ما تجيب عيال مير الله قردها
واحفروا في البنت وأزعجها ظناها




انشدك عن رجلٍ صغيرٍ مقاسه == يشيل في بطنه ملائيين الانفار

لو تظربه باعلى جبل هد راسه == ومع الاسف لوتنفخه بالنسم طار



بنشدك عن مجلسن فيه العذارى=لوتطبه ماتشوف اخدودهني

كاشفات وحاضراتن بالوقارى=وفي فنون القنص قالوا يفهمني




انشدك عن ضيف لفانا ولازال متنقل مابين بيـوت الرجالـي 
ضيف خبيث النفس للحقد شيال انا اشهد انه مايعرف الحلالـي 
واليا لفا ينطحـه مننـا رجـال دون اللوازم يرخصون الغوالي 
ومايكرمه فالناس ياكود الانذال وش قولكم يأهل العقول الكمالي 



يامُنتدى البدوان لغزي وصلكـم

رفعت بيرقنـا رفعتـوا علمكـم 
والحل وأضـح لا ولا ماجهلكـم

يامُنتدى الغالين يادار الاحبـاب 
أنشدك عن أسم(ن)يخص الرجالا

وبالعكس بنت(ن)ماتعرف الدلالا 
كم مرة(ن)هانت رجال الشكـالا

تدحم بيوت(ن)لو تقفل بالابواب 




انشدك عن رجلٍ يحب التخفّي 
يبين لك وجهه وباقيه يخفيه 
يمر من عندك وهوه مقفّي 
مايلتفت لك لين بسمه تناديه




انشدك عن جملة رجالٍ مقفّين

اقفواوراطردالنقذ والمعوشه 
همه مع الاموات لاشك حيين

راحوا لدارٍماتشد طروشـــــه




ياويش بنتن تنزل بجوف رجال


تنزل بجوفه لاحصل فية عله 

والرجل يضربه مثل ضمن الامثال


بالهم والتنكيد يافــطـــنـــله




أنشدك عن رجلن سكن داخل الفي

له منزلن بيـن الثنيـن الدواهـي 
نادر ما احد شافه ولا لمسه الحي

واللغز يبغى له ذكـى وانتباهـي 




ويش بنتــ (ن) ماتغطي عن الرجال .. 

وان تغطى وجهها رحنا وطي .. 

علمها تراه ضرب من الخيال .. 

وكذبها في وجنتيها مخططي .. 

ماتكذبها وهذا من المحال .. 

وماتصدقها وهذا منطقي .. 



ياويش رجلاٍ جالس بمكتبه دوم 
مراجعينه بالمسا والصباحـي 
عنده علومٍ مالها اوزان ورقوم 
اسمه على كل المخاليق لاحي 
ياخذك له رجلاٍ دليله ومعصوم 
طبعة مجد ولايعرف المزاحي 
وليا الدليله جاته جروح وسموم 
لازم تراجع به طبيب الجراحي 
حله ياراع الحل واللغز مبروم 
في شي له في كل بيتٍ مراحي 




ويش رجلن بين ربعه له مقام

نال هيبه واحترام من البشر
طول عمره 61 عام 
واربعه يحلها بعيد النظر 



الغز ماهو صف هرجن على ماش

يشتت ألأفكار في كل يمة 
وش الذي في موطن الأم ماعاش

وأن عاش عاد لبطن من يحمل أمة
وماضنتي تلقاه مع نشر الادباش
ولا طير يفرد بالجناح ويضمة
مالة يدين ولا ذكر مرةٍ هاش
وابوه ينسب للمرة مثل عمة




أنشدك عن رجال له عشرة اعيال

متخالفين ولونهـم غيـر لونـه 
عشرة اعيالٍ وامهم معه في الحال

دائم سوا و الأذكيـاء يعرفونـه 
الأبوا بين الناس ينظر وينشـال

والأم هي وعيالها فـي حضونـه 
رجال بين الناس مع كل الاشكال

وعياله العشرة مع اللـي يبونـه 



الزود منّـه وبيـه ومعاشـر البـال

ولو نقص صار انسان بالتقوى مطبوع 
بالخير لَهْ رايات فـي كـل الاحـوال

عشرين زود اثنيـن تفديـه الربـوع 



عـمري تعدآ خمسه وخمسين .. 

……………… وأربع على ذيكـ العصــآ الــعـنيدهـ .. 


جبت أسم خلي بحتفظ به عن الـعـين ..

…………….. والأسم الآخـــر بالديــــآر البـعـيدهـ..




أعوج عدل والبيت من بيت الاشراف

عبد(ن) تطيعه الناس من كل الاصناف 
بالشّمس عنده ارحام بالبر اذا طـاف

خادم وسيّـد دوم للصعبـه كشّـاف 
خبّرني يالحلاّل شو هـاي الاوصـاف

ارمـع رمـع صيّـاد للّغـز شـوّاف 




اسألك عن بنتين هـــــم الملايين=== يمشن طريق الخير والشر ساعات


وحده يمشيها رجل زين مع شين== وحده يمشـــــــــــيها بنات(ن) قليلات





اسالك عن بنت(ن) تضايق اهلها== ومن فعلها بعض البشر يحتريها


رجل(ن) وحيد(ن) لا لفاها قتلها==وان راح عنها كملت ماعليـــــــها



ياويش رجلن حشاه افلز .. 


رجلن يذكر ولا شيفي ..


على طريق اثنين ارتز .. 


وقف لهم بالمشاريفي .. 


عليه قلوب الملا تهتز .. 


هزة قلوب المواليفي .. 


اللي يزوره ماهوب معتز .. 




-->